சிவாஜி கணேசனுக்கு மணிமண்டபம் அமைக்கப்படும் என்று சட்டப்பேரவையில் அறிவித்ததற்காக தமிழக அரசுக்கு நடிகர் விஷால் நன்றி தெரிவித்துள்ளார்.

இது குறித்து சென்னையில் நடந்த பத்திரிகையாளர் சந்திப்பில் விஷால் பேசியதாவது: '' சிவாஜிக்கு மணிமண்டபம் அமைக்கப்படும் என்று அறிவித்த தமிழக அரசுக்கு நன்றி. இதைக் கேட்கவே சந்தோஷமாக இருக்கிறது.2002-ம் ஆண்டு சிவாஜிக்கு மணிமண்டபம் அமைக்க நடிகர் சங்கத்துக்கு தமிழக அரசு நிலம் ஒதுக்கிக் கொடுத்தது. ஆனால், 12 ஆண்டுகள் கடந்தும் நடிகர் சங்கம் சிவாஜிக்கு மணிமண்டபம் அமைக்கவில்லை. இந்நிலையில், தமிழக அரசே அந்த நிலத்தில் மணிமண்டபம் அமைக்க உள்ளதாக அறிவித்துள்ளது.

நடிகர் சங்க நிர்வாகம் எந்த நிலையில் உள்ளது என்பதை இதன்மூலமே புரிந்துகொள்ளலாம். நடிகர் சங்கத்துக்கு இது அவமானம்தான்.சிவாஜிக்கு மணிமண்டபம் அமைக்க உள்ள தமிழக அரசுக்கு என் நன்றி ''என்று விஷால் பேசினார். 

(திருச்சி - சாகுல் ஹமீட்)

Related News