ஸ்ரீலங்கா முஸ்லிம் காங்கிரஸின் ஸ்தாபகத் தலைவர் மர்ஹும் எம்.எச்.எம்.அஷ்ரஃப் அவர்களின் நினைவு தின நிகழ்வுகள் அம்பாறை மாவட்டத்தில் பல்வேறு இடங்களிலும் நாளை புதன்கிழமை (16) நடைபெறுவதற்கான ஏற்பாடுகள் செய்யப்பட்டுள்ளன.

விஷேடமாக கல்முனை தொகுதியில் தலைவர் தினம் பிரகடனப்படுத்தப்பட்டு 2வது ஆண்டை முன்னிட்டு பிரதேசத்திலுள்ள பாடசாலைகளில் நினைவுப் பேருரைகளும், துஆப் பிரார்த்தனைகளும் கத்தமுல் குர்ஆன் வைபவங்களும் திகாமடுல்ல மாவட்ட பாராளுமன்ற உறுப்பினரும், விளையாட்டுத்துறை பிரதி அமைச்சருமான சட்டத்தரணி எச்.எம்.எம்.ஹரீஸ் தலைமையில் இடம்பெறவுள்ள இதேவேளை அன்றைய தினம் இரவு இஷா தொழுகையை தொடர்ந்து  சாய்ந்தமருது பரடைஸ் வரவேற்பு மண்டபத்தி;ல் கத்தமுல் குர்ஆன் வைபவமும், துஆப் பிரார்த்தனையும் இடம்பெறவுள்ளது.

இதேவேளை பொத்துவில் தொகுதியில் திகாமடுல்ல மாவட்ட பாராளுமன்ற உறுப்பினரும், சுகாதார பிரதி அமைச்சருமான பைசால் காசீம் தலைமையிலும், சம்மாந்துறை தொகுதியில் திகாமடுல்ல பாராளுமன்ற உறுப்பினர் எம்.ஐ.எம்.மன்சூர் தலைமையிலும் அட்டாளைச்சேனை, அக்கரைப்பற்று பிரதேசத்தில் மாகாண சபை உறுப்பினர்களான ஏ.எல்.எம்.நஸீர் மற்றும் ஏ.எல்.தவம் ஆகியோர் தலைமையிலும் பல்வேறு தலைவர் தின நிகழ்வுகள் இடம்பெறவுள்ளன.

(ஹாசிப் யாஸீன்)

Related News