மட்டக்களப்பு வாழைச்சேனை பொலிஸ் பிரிவிலுள்ள கறுவாக்கேணி எனும் இடத்தில் சனிக்கிழமை மாலை கைக்குண்டு ஒன்றினை மீட்டுள்ளதாக வாழைச்சேனை பொலிசார் தெரிவித்தனர்.

குறித்த கிராமத்தில் உள்ள ஆலய உற்சவத்தினை முன்னிட்டு பொதுமக்களால் மேற்கொள்ளப்பட்ட சிரமதானப் பணியின் போது பனை மரம் ஒன்றின் அடிப்பகுதியில் இருந்து குறித்த குண்டு மீட்கப்பட்டுள்ளதாக தெரிவித்தனர்.

தற்போது கைக்குண்டு குறித்த இடத்தில் காணப்படுவதுடன், மட்டக்களப்பிலுள்ள குண்டு செயழிளக்கச் செய்யும் இராணுவப் பிரிவினருக்கு தகவல் வழங்கப்பட்டுள்ளதாகவும் ஞாயிற்றுக் கிழமை குறித்த பிரிவினர் வந்து குண்டை செயழிளக்கச் செய்யும் நடவடிக்கையில் ஈடுபடுவார்கள் என பொலிசார் தெரிவித்தனர்.

தற்போது வாழைச்சேனை பொலிசார் குறித்த இடத்தில் பாதுகாப்பு கடமையில் ஈடுபட்டுள்ளனர்.

ந.குகதர்சன்,

வாழைச்சேனை நிருபர்

Related News