ஒருநாட்டின் தேசிய உற்பத்தியில் பெரும் பங்களிப்பு செய்யும் துறை விவசாயத்துறையாகும். விவசாயம் செழிப்படைந்தால் மக்கள் செழிப்பார்கள். மக்கள் செழிப்படைந்தால் நாடு செழிக்கும். அந்தவகையில் மாவட்ட மட்டத்தில் சிறந்த கமநல சேவைகள் நிலையமாக தெரிவு செய்யப்பட்டுள்ள பொத்துவில் கமநல சேவைகள் நிலையத்தினதும், அதன் துரித வளர்ச்சியில் இரவு-பகல் சேவையாற்றும் கமநல உத்தியோகத்தர் எம்.எல்.ஏ.றகீம் அவர்களின் சிறந்த முகாமைத்துவத்தையும் தெளிவுறுத்துவதுதான் இக்கட்டுரையின் நோக்கு. 

மீனவமும், விவசாயமும் பொத்துவிலின் இரண்டு கண்கள் இந்தவகையில் பெரும்பாலான பொத்துவில் மக்கள் விவசாயத்தில் ஈடுபட்டு வருகின்றனர். விவசாயிகளின் சேவையினை இலகுவாக பெற்றுக்கொள்ளும் மத்திய நிலையம்தான் கமநல சேவைகள் நிலையமாகும். பொத்துவில் கமநல சேவைகள் நிலையமானது கடந்த காலங்களில் பாலைவனமாக காட்சித்தோற்றத்துடன் காணப்பட்டமை குறிப்பிடத்தக்கது. அதற்குப் பிரதான காரணம் இந்த மத்திய நிலையம் கடலை அண்மித்த பகுதியில் அமையப்பெற்றுள்ளமை. கடந்த சுனாமியின் போது இடிபாடுகள், எச்சங்களைக் கொண்டு நிரப்பப்பட்ட ஒரு இடமாகவும் பசுமைத்தோற்றமின்றி பலரின் விமர்சனப்பார்வைக்குள் சிக்கித்தவித்தது.இச்சந்தர்ப்பத்தில்:

சாய்ந்தமருது கமநல சேவைகள் மத்திய நிலையத்தின் கமநல உத்தியோகத்தராகவும், கமநல சேவைகள் நிலையத்தின் நிறைவேற்று செயலாளராகவும் பணியாற்றி சாய்ந்தமருது கமக்கார அமைப்புக்களின் பாராட்டையும் நன்மதிப்பையும் பெற்ற ; கமநல உத்தியோகத்தர் எம்.எல்.ஏ.றகீம் பொத்துவில் கமநல நிலையத்தினை 2013. பெப்ரவரி மாதமளவிலபாரமெடுத்தார்.

விளைதிறனும், வினைத்திறனும் சிறந்த முகாமைத்துவ நெறிமுறைகளையும்  தன்னகத்தை  கொண்டிருக்கின்ற இவர் பல்வேறு சவால்களுக்கு மத்தியில் இந்நிலையத்தின் வெற்றிக்கு அர்ப்பணிப்பு செய்தார்.

பாரமெடுத்து முதலில் விவசாயக்குழுக்களை உரியமுறைப்பிரகாரம் அமைத்து விவசாயக்குழுக்களின் கணக்கறிக்கைகள், நிதிவிடயங்களை கட்டமைப்புச் செய்தார்.வங்கிக் கணக்குகள் திறக்கப்படாமல் பணங்களை கையில் வைத்துக்கொண்டு நிர்வாகம் செய்த குழுக்களை உடனடியாக மீள்பரிசோதனை செய்தார்…..

இச்சந்தர்பத்தில்தான் உருவானது இவருக்கு எதிரான முறைப்பாடுகள். முறைப்பாடுகளைச் செய்தவர்கள் வேறு யாருமில்லை, பொத்துவிலின் சில அரசியல் பிரமுகர்கள்,வர்த்தக விவசாயிகள், கனரக உரிமையாளர்கள், ஊழல்களில் பங்குபற்றிய விவசாய அமைப்புக்கள் என்பன. ஆனாலும் தான் சலிக்கவில்லை பொத்துவில் கமநல நிலையத்தினை சிறப்பாக கொண்டுவர வேண்டும் என கனவு கண்டார். அதன்நிமித்தம் சுனாமியால் வெறும் கற்கள் புதைக்கப்பட்ட கமநல வளவினை சோலைவனமாக மாற்றுவதற்கு ஆளத்து மண் கண்டு பயிர்செய்ய தன் ஆவியை நல்கினார். 

அலுவலக அமைப்பு முறை, கோவைகள் பேணும் ஒழுங்கு,தளபாட பாவணை ஒழுங்கு, விடயங்களுடன் தொடர்புடைய அறிக்கைகள், வெளிச்சூழல் அமைப்பு, பயிர்கள் மேற்கொள்ளப்பட்ட முறைகள், விவசாயிகளுக்குரிய பொழுது போக்கு வசதிகள்,அலுவலகத்தில் விவசாயிகளுக்கான காட்சிப்படுத்தல்,விவசாயிகளுக்கான நலனோம்பும் திட்டம் என்பனவற்றை உடனடியாக செய்துகாட்டினார்.

அச்சந்தர்பத்தில் இவருக்கான இடமாற்றத்தைப் பெற்றுக்கொடுப்பதற்காக வேண்டி பொத்துவில் அரசியல்வாதிகள் துடித்துத் திரிந்தார்கள்….மேல்மட்டங்களில் கண்ணீர் வடித்துத்திரிந்தார்கள்…. யாவும் வெற்றியளிக்கவில்லை.  ஓன்றுக்கு ஒன்றாக போலியான முறைப்பாடுகளை சித்திரித்துக்கொண்டேயிருந்தார்கள். முறைப்பாட்டினை அடுத்து இவரின் நிர்வாகத்தைப்பார்வையிடுவதற்காக மட்டக்களப்பு மாவட்ட உதவி ஆணையாளர் குழுவினர் வருகை தந்து பார்வையிட்டதுடன் மட்டுமன்றி பதிவுப்புத்தகத்தில்; பொத்துவில் கமநல உத்தியோகத்தர் எம்.எல்.ஏ. றகீம் அவர்களின் மூலம் தாங்கள் நிர்வாகத்தைக் கற்றுக்கொண்டதாக எழுதியுள்ளார்கள்.

சிறந்த நிர்வாகம், யாரிடமும் பணம் அறவிடாமல் கமக்கார அபிவிருத்தி குழுக்களின் உதவிகளுடனும், தனிப்பட்ட நபர்களின் உதவியுடனும் கமநலசேவை நிலையத்துக்கு தேவையான அனைத்து செலவுகளையும் செய்துள்ளார் இது இவருடைய சிறந்த முகாமைத்துவப் பெருகை என்றுதான் கூற வேண்டும். அது மாத்திரமன்றி கமநல சேவைகள் நிலையத்துக்கான பேர்மிட் கூட பெற்றுக்கொள்ளமுடியாமல் கடந்த நிர்வாகத்தினர் இருந்தபொழுதும் தற்பொழுதுதான் இதற்கான முயற்சிகளை ; கமநல உத்தியோகத்தர் எம்.எல்.ஏ.றகீம் அவர்கள் செய்து வருகிறார்.

இத்தகைய பல்வேறுபட்ட அர்ப்பணிப்பின் நிமித்தம் சிறந்த கமநல அபிவிருத்தி உத்தியோகத்தராக எம்.எல்.ஏ.றகீம் அவர்களுக்கு கடந்த மாதமளவில்  மாவட்டத்தில் விருதும் சான்றிதழ்களும் கிடைத்துள்ளமை குறித்து காட்டப்படவேண்டியது.

ஆனாலும் இலஞ்சம் அற்ற வினைத்திறன்கொண்ட அதிகாரிகளை பொத்துவில் அரசியல்வாதிகள் விடுவதில்லை இடமாற்றம் செய்துவிடுவார்கள். ஆனாலும் அரசியலுக்கு அப்பால் இவர்சேவை பொத்துவிலுக்கு தேவை. அதுமாத்திரமன்றி பொத்துவில் கமநல சேவைகள் நிலையத்தினை மாவட்டத்தில் சிறந்த இடத்தைப்பெற்றுத்தந்த எம்.ஏ.ஏ.றகீம் அவர்களை பாராட்டுவோம், அவரின் சிறந்த நிர்வாகத்துக்கு ஒத்துழைப்பு வழங்குவோம்.

பொத்துவில் எம்.ஏ. தாஜகான் 

Related News